Transcription
1
Monsieur, je m’asure que vous arés seu dasteure la nouvelle quy est ariveyé à Lion
2
pour la mort de monsieur l’amiral et despuis de messieurs le compte de La Rochefouquaud,
3
son filz aisné, Teligny, Briquemaut, Perdrillans, Mounins et quelques aultres, quy me
4
gardera vous en dire davantage ; seullemant vous direy-je comme – ayant messieurs
5
les consulz et moy esté avertis que les portes de Lion, quarefourtz et places avoyt
6
esté sezis par le coumandemant de monsieur de Mandellot, et despuis faict ung bande
7
par lequel il est interdyt à seux de la religion de ne sourtir poinct hors de leur
8
maisons et neamoings les plus aparantz d’iseux hont esté donnés en garde
9
à leurs amys quatoliques de peur que soubz le preteste de ceste nouvelle
10
mutation, il n’i eust quelque contrevantion et vindicte partiqulyère, voyant
11
desjà plusieurs se remuer – j’ay, soubz votre autoryté et pour le dheu de ma charge
12
de balif et par l’avis du proqureur du roy et aultres de sa justice de ceste
13
ville, ay faict prandre garde à se qu’il ne se fasse chosse quy altère le repos des
14
abitans de iselle dicte ville, sans toutesfoys employer aultre force que selles
15
quy sont de mon moyen, ny sans inquiester auquns de la dicte religion, de
16
fasson que vous pouvés vous asurer, monsieur, qu’il n’y ara ryen don ne devrés
17
demeurer contant, et ceste dicte ville asureyé de si [g]rand byen que
18
vous creiés que je suis et serey tousjour se que j’ay acoustumé vous
19
estre, quy est de Viene, se XXVIII ost,
20
vostre bien humble et bien afectionné
21
à vous fère service.
22
A de maugeron
23
Je vous direy comme monsieur
24
de Nemours a esté jusques à La Brelle
25
pour s’an aller à la court,
26
mais illat heu des nouvelles quy
27
l’ont faict tourner à Chasey.